Angaben zur Identifikation |
| Institution: | Stadtarchiv Augsburg |
| Bestand: | Allgemeines Urkundenselekt (AUS) - Ältere Reihe (bis 1806) |
| Signatur: | StadtAA/00471/AUS/1309 August 10 |
| Titel: | Graf Cu/o/nrat von Chirchperch (Kirchberg), Landvogt in Oberschwaben, spricht über Herman von Pferse (Pfersee) die Acht aus. |
| Entstehungszeitraum: | 10.08.1309 |
| Originaldatierung: | Do daz geschach, do warn von Cristes geburt driuzehen hundert iar dar nach in dem niunden iar, an dem suntag nach sant Afern tag |
| Stufe: | Archivalieneinheit |
| Archivalienart: | Urkunde |
|
Angaben zu Inhalt und Struktur |
| Regest: | Graf Cu/o/nrat von Chirchperch (Kirchberg), Landvogt in Oberschwaben, spricht über Herman von Pferse (Pfersee) die Acht aus. |
| Originaltext: | Wir graf Cu/o/nrat von Chirchperch vogt ze Auspurch und auf dem land tu/o/n kunt allen den di disen brief lesent, ho/e/rent oder sehent, daz wir umb sogtann widerdriez, den her Herman von Pferse di stat ze Auspurch und auch daz lant gemainlich an leit mit rab und mit brand, dar umb er auch in dez riches eht ist, gebieten wir von unsers herren kv/e/nich Hainrichs wegen in allen den do/e/rfern, die in unserr pfleg hie dishalp Leches glegen sint, und da man sin bedarf, in swelich dorf oder weder der von Pferse chom, ez si tages oder nahts, daz man di gloggen da laeut und aller maenclich zu lauf und dem von Pferse nach eil und sich sin wern als verr in leib und gu(o)t geraich, ez sien unsers herren dez bischofes hu/o/ber, der bu/o/rger hu/o/ber oder anderr herren hu/o/ber, edel oder unedel. Und swer der waer, der nit nach eilti, als vor gesprochen ist, als oft man ez hintz dem bringen mach, als oft sol man in pfenden umb ain pfunt pfenning. Wir verbieten auch aller maenclich bi unsers herren dez kv/e/niges hulden, daz dem von Pferse noch sinen helfern niemen chainen pfenninch mer geb noch chain ander gu/o/t. Swer daz braech, als oft er dem von Pferse ain pfunt git, als oft sol er uns ze galtnv/e/zze zehen pfunt pfenning geben. Mag er der galtnv/e/zze nit gehaben, so sol man in von dem dorf triben mit wib und mit kinden und darin nimmer mer chomen. Swer auch der waer, der dez von Pferse oder siner helfer undertaedinger waer oder da her gewesen ist, daz man im pfenning oder ander gu/o/t geb, oder swer den von Pferse housti oder hofti, oder swer im zezzend oder ze trinchend gaeb in vesten, in do/e/rfern oder in waelden, oder im anders zu/o/ leti mit rat oder mit hilf, hintz swem man daz bringen mach, der sol in den selben schulden sin als der von Pferse an all gnad, wann er dez landez und der gegen rehter verater gewesen ist. Dar zu/o/ gebieten wir bi unsers herren dez kv/e/niges hulden, daz ain ieglich dorf oder weder waht oder hu/o/t haben sol nach sinen staten tages und nahts, und vahen an datz Bobingen, daz daz all neht haben sol zwainzich man di wachen und dez tages zehen; und swem diu waht gesetzet wirt, als oft er di saumpt, als oft ist er dem vogt schuldich aines schillinges pfening. Und wan uns fv/e/r chomen ist, daz etlicher herren hu/o/ber und etlich Strebherren der burger hu/o/bern von Auspurch gedrot habent, ob si von iren wegen verbrinnen, si wellen si in daz fiur werfen, daz verbieten wir von unsers herren des kv/e/niges wegen, daz fu/e/rbaz iemen mer tu/o/. Swer daz dar v/e/ber taet, da mv/e/sten wir hin rihten als hintz den di dez riches frid braechent. Daz daz staet blib gib ich disen brief versigelt mit Cu/o/nrats von Brihs insigel mins undervogts, wan ich mins insigels bi mir nit enhet. (...) |
| Beglaubigungsmittel: | Siegel |
| Aussteller: | A: Graf Cu/o/nrat von Chirchperch (Kirchberg), Stadtvogt zu Augsburg und auf dem Land |
| Siegler: | S: Cz/o/nrat von Brih (Brich), Untervogt |
| Provenienz / Aktenbildner: | Hl.-Geist-Spital, Augsburg |
| Überlieferungsart: | Ausfertigung |
| Sprache: | Deutsch |
| Schrift: | Lateinisch |
| Trägermaterial: | Pergament |
| Anzahl der Siegel: | 1 |
| Fehlende Siegel: | 1 |
| Besiegelung: | verloren |
|
Angaben zu verwandtem Material |
| Veröffentlichungen: | Meyer UB I, S.175-176, Nr. 214 |
|
| |
Benutzung |
| Erforderliche Bewilligung: | Keine |
| Physische Benützbarkeit: | Eingeschränkt |
| Zugänglichkeit: | Öffentlich |
| |
URL für diese Verz.-Einheit |
| URL: | https://recherche-stadtarchiv.augsburg.de/scopeQuery/detail.aspx?ID=163900 |
| |
Social Media |
| Weiterempfehlen | |
| |