Angaben zur Identifikation |
| Institution: | Stadtarchiv Augsburg |
| Bestand: | Allgemeines Urkundenselekt (AUS) - Ältere Reihe (bis 1806) |
| Signatur: | StadtAA/00471/AUS/1316 Mai 27 |
| Titel: | U/o/lrich Schaetzlin, Bürger zu Augsburg, und Agnes seine Schwester verkaufen dem Hl.-Geist-Spital ein Pfund Augsburger Pfenninge. |
| Entstehungszeitraum: | 27.05.1316 |
| Originaldatierung: | Der brief ist geben do nach Christes geburt warn driuzehenhundert iar und in dem sehtzehen iar, an dem donerstag vor der pfingestwochen |
| Stufe: | Archivalieneinheit |
| Archivalienart: | Urkunde |
|
Angaben zu Inhalt und Struktur |
| Regest: | U/o/lrich Schaetzlin, Bürger zu Augsburg, und Agnes seine Schwester verkaufen dem Hl.-Geist-Spital ein Pfund Augsburger Pfenninge. |
| Originaltext: | In gotes namen amen. Wir U/o/lrich Schaetzlin und Agnes diu Schaetzlinin sin swester, burger ze Auspurch, tu/o/n kunt allen den di disen brief an sehent oder ho/e/rnt lesen, daz frawe Willebirch saelig diu melberin unser an gekauffet hat vor maengen jarn ain pfunt Auspurger pfenning geltes fv/e/r rehts aigen uz dem hous und hofsach daz glegen ist under den obern bekken da U/o/lrich Maennlin mit wesenn inne ist, daz etwenn Hainrich Daermlinz was. Daz selb pfunt geltes geviel v/e/ns an nach unserr anen tod. Und do unser an bi gesundem lib was, do erbat si v/e/ns, daz wir daz selb pfunt geltes niezzen solten di wil wir lebten; und swenn wir baidiu enwaeren, so solt ez an vallen daz spital ze dem hailigen gaist. Da gaben wir unser gunst und unsern willen zu/o/ durch unserr anen sel willen und durch irs wirts sel willen. Nu sien wir v/e/ber ain chomen daz wir unser reht an dem selben pfund geltes verkauflfet haben dem maister und dem convent des vorgenanten spitals umb aht pfunt Auspurger pfenning, die wir dar umb von in enpfangen haben; und haben in daz selb pfunt geltes uf geben und haben v/e/ns sin verzigen mit glerten worten als man sich lipdinges durch reht verzihen sol, und sv/e/ln ins auch staeten und vertigen fv/e/r alle ansprach als man lipding durch reht staeten und vertigen sol nach diser stet reht. Man sol auch wizzen, daz man des selben pfundes geben sol aelliu iar an sant Michels tag oder in den nächsten aht tagen der vor zehen schilling pfenning und uf sant Georien tag oder in den nächsten aht tagen der vor auch zehen schilling pfenning. Swenn auch man di pfenning gaeb vor den ziln diu da vor benennt sint, so suln di di daz hous und hofsach in nutz und in gwer hant ledik sin als an der alten hantfest geschriben stat, diu vormals v/e/ber daz pfunt geltes geben ist. Swenn auch wir baidiu staerben, so sol der spitalmaister und der convent anvahen und sv/e/ln des selben pfundes geben an sant Michels tag zehen schilling den siechen in di stuben umb ezzen und umb trinken, und an sant Georientag auch zehen Schilling den siechen umb ezzen und umb trinken, daz di siechen da von getro/e/stet werden und daz si da von gedenken frawen Willebirg sel und irs wirtes sel. Ez sol auch der spitalmaister und der convent daz selb pfunt gelts den burgern alliu iar verstiuren ie dar nach als diu stiur uf gelaeit wirt ân alle widerred, wan daz selb pfunt geltes des spitals rehtz aigen ist und auch mit stiur her chomen ist. Daz daz staet blib geben wir disen brief versigelt mit der stet insigel ze Auspurch. Des sint geziug: her Cu/o/nrat der Minner und Hainrich Pitslin, burgermaister, Hainrich Ritschart, Rv/e/dger der Langmantel, Hainrich der Priol, Cunrat Braeunink, Bartholome der Welser und ander genv/e/g. (...) |
| Beglaubigungsmittel: | Siegel |
| Aussteller: | A1: U/o/lrich Schaetzlin, Bürger zu Augsburg; A2: Agnes Schaetzlin, Schwester A1 |
| Siegler: | S: Stadt Augsburg |
| Unterschrift: | Z1: Cu/o/nrat der Minner, Bürgermeister; Z2: Hainrich Pitslin, Bürgermeister; Z3: Hainrich Ritschart; Z4: Rv/e/dger der Langmantel; Z5: Hainrich der Priol; Z6: Cunrat Braeunink; Z7: Bartholome der Welser |
| Provenienz / Aktenbildner: | Hl.-Geist-Spital, Augsburg |
| Rückvermerke, Alte Registraturvermerke: | jartag |
| Überlieferungsart: | Ausfertigung |
| Sprache: | Deutsch |
| Schrift: | Lateinisch |
| Trägermaterial: | Pergament |
| Anzahl der Siegel: | 1 |
|
Angaben zu verwandtem Material |
| Veröffentlichungen: | Originaltext nach Meyer UB I, S.201-202, Nr.242 |
|
| |
Benutzung |
| Erforderliche Bewilligung: | Keine |
| Physische Benützbarkeit: | Eingeschränkt |
| Zugänglichkeit: | Öffentlich |
| |
URL für diese Verz.-Einheit |
| URL: | https://recherche-stadtarchiv.augsburg.de/scopeQuery/detail.aspx?ID=176524 |
| |
Social Media |
| Weiterempfehlen | |
| |