StadtAA/00471/AUS/1317 Januar 5 Maehtilt, Hartmann des Klokkelmanns Wittwe, verkauft an Hainrich den Klokkelmann aus ihrem bei dem Barfüsserkloster gelegenen Haus zwei Pfund Pfenninge., 05.01.1317 (Archivalieneinheit)

Archivplan-Kontext

Stadtarchiv Augsburg (Archiv)
- AS Archivische Sammlungen, Selekte und Nachlässe, 1046-2020 (Abteilung)
  - AS A Urkundenselekt, 1046-2019 (Beständegruppe)
    - AS A 1 Allgemeines Urkundenselekt (AUS) - Alte Reihe (bis 1806), 1046-1841 (Bestand)

Angaben zur Identifikation
Institution:	Stadtarchiv Augsburg
Bestand:	Allgemeines Urkundenselekt (AUS) - Ältere Reihe (bis 1806)
Signatur:	StadtAA/00471/AUS/1317 Januar 5
Titel:	Maehtilt, Hartmann des Klokkelmanns Wittwe, verkauft an Hainrich den Klokkelmann aus ihrem bei dem Barfüsserkloster gelegenen Haus zwei Pfund Pfenninge.
Entstehungszeitraum:	05.01.1317
Originaldatierung:	Der brief ist geben do nach Cristes geburt warn driuzehenhundert iar und in dem sibentzehenden iar, an dem obrost aubend.
Stufe:	Archivalieneinheit
Archivalienart:	Urkunde

Angaben zu Inhalt und Struktur
Regest:	Maehtilt, Hartmann des Klokkelmanns Wittwe, verkauft an Hainrich den Klokkelmann aus ihrem bei dem Barfüsserkloster gelegenen Haus zwei Pfund Pfenninge.
Originaltext:	In gotes namen amen. Ich U/o/lrich der Beizzer vogt ze Auspurch tu(o)n chunt allen den di disen brief ansehent oder hornt lesen, daz fu/e/r mich chom an offenem geriht, da der ratgeben und der burger der best tail was, frawe Maehtilt, hern Hartmannes des Klokkelmannes saelig witwe, Hainrich ir sun und Chaetrin ir tohter und laeten fu/e/r mit fu/e/rsprechen, si waeren laider in grozze geltesnot gevallen und si heten anders gu/o/ts niht, damit si di gu/e/lt vergelten mohten, si mu/e/sten verchauffen uz irem hous und hofsach, daz glegen ist bi der Barfu/o/zzen closter, zwai pfunt Auspurger pfenning geltes. Und gerten urtail, wie si die vertigen solten, wan diu vorgenant Chaetrin ze iren tagen nit chomen was. Do si ir red also fu/e/r glaeten, do wart ertailt mit gemainer volge, geto/e/rst frawe Maehthilt und Hainrich bereden ze den hailigen, daz si also in geltesnot gevallen waeren und daz auch si anders gu/o/ts nit heten, damit si di gu/o/lt vergelten mohten, des solten si geniezzen und mo/e/hten auch diu zwai pfunt geltes uz irem hous wol verchauffen, und swem si diu gaeben der solt an dem aide ze ainer vertigunge gnu/o/g haben fu/e/r di vorgenanten Chaetrinen und für alles maenglich. Dar nach berett diu selb frawe Maehtilt und Hainrich ir sun als in ertailt was und verchaufften do diu zwai pfunt Auspurger pfenning gelts fu/e/r rehtz aigen und fu/e/r ain ledich gu/o/t uz irem vorgenanten hous und hofsach hern Hainrich dem Klokelman und sinen erben oder swem sis gebent, schaffent oder lazzent umb viertzich pfunt gaeber Auspurger pfenning, der si schon und redlich gwert sint. Und sol frawe Maehthilt und Hainrich oder ir nahkomen in der selben gu/e/lt geben aelliu iar ain pfunt uf sant Georien tag und ain pfunt uf sant Michels tag ze ietwedrem zil aht tag vor oder aht tag nach. Geschaeh des nit, so ist hern Hainrich Klokelman oder sinen erben daz selb hous und hofsach zinsvellich worden mit reht und ân alle widerred. Waer auch daz frawe Maehthilt oder Hainrich oder ir erben di selben gu/e/lt chaufften oder schu/e/ffen uz ainein andern gu/o/t, da si hern Hainrich dem Klokelman oder sinen nachkomen gwiz und gu/o/t waer und da sis gern nemen wolten, daz sol Hainrich der Clokelman und sin nachkomen ze gu/o/t haben. Swem auch her Hainrich Klokelman oder sin nachkomen di selben gu/e/lt gebent, schaffent oder verchauffent, der sol daz selb reht auch haben. Do daz also ertailt was und auch der chauff also geschehen was, do gert her Hainrich der Klokelman, man solt im und sinen nahkomen des gerihts und auch des chauffes ainen brief geben. Der wart im auch ertailt. Dar umb gib ich im disen brief versigelt mit der stet insigel ze Auspurch und mit minem insigel. Des sint geziug: her Bartholome der Waelser und her Berhtolt der Raem, burgermaister, her Hainrich Ritschart, her Ru/e/dger der Langmantel, her Cu/o/nrat der Minner, her Hainrich der Priol, her Hainrich der Bach und ander gnu/o/g. (...)
Urkundentypologie:	Kaufbrief
Beglaubigungsmittel:	Siegel
Aussteller:	A1: U/o/lrich der Beizzer, Vogt zu Augsburg; A2: Maehtilt, Hartmann des Klokkelmanns Witwe; A3: Hainrich, Sohn der A2; A4: Chaetrin, Tochter der A2
Siegler:	S1: Stadt Augsburg; S2 = A1
Unterschrift:	Z1: Bartholome der Waelser (Welser), Bürgermeister; Z2: Berhtolt der Raem (Rehm), Bürgermeister; Z3: Hainrich Ritschart; Z4: Ru/e/dger der Langmantel (Langenmantel); Cu/o/nrat der Minner; Z5: Hainrich der Priol; Z6: Hainrich der Bach
Provenienz / Aktenbildner:	?
Rückvermerke, Alte Registraturvermerke:	Rückvermerk: "hauss brief"
Überlieferungsart:	Ausfertigung
Sprache:	Deutsch
Schrift:	Lateinisch
Trägermaterial:	Pergament
Anzahl der Siegel:	2