StadtAA/00471/AUS/1317 November 19 Die Streitigkeiten zwischen Herman von Pferse (Pfersee) und der Stadt Augsburg werden beigelegt., 19.11.1317 (Archivalieneinheit)

Archivplan-Kontext

Stadtarchiv Augsburg (Archiv)
- AS Archivische Sammlungen, Selekte und Nachlässe, 1046-2020 (Abteilung)
  - AS A Urkundenselekt, 1046-2019 (Beständegruppe)
    - AS A 1 Allgemeines Urkundenselekt (AUS) - Alte Reihe (bis 1806), 1046-1841 (Bestand)

Angaben zur Identifikation
Institution:	Stadtarchiv Augsburg
Bestand:	Allgemeines Urkundenselekt (AUS) - Ältere Reihe (bis 1806)
Signatur:	StadtAA/00471/AUS/1317 November 19
Titel:	Die Streitigkeiten zwischen Herman von Pferse (Pfersee) und der Stadt Augsburg werden beigelegt.
Entstehungszeitraum:	19.11.1317
Originaldatierung:	Der brief ist geben do nach Cristes geburt warn driuzehenhundert iar und in dem sibentzehenden iar, an sant Elspeten tag
Stufe:	Archivalieneinheit
Archivalienart:	Urkunde

Angaben zu Inhalt und Struktur
Regest:	Die Streitigkeiten zwischen Herman von Pferse (Pfersee) und der Stadt Augsburg werden beigelegt.
Originaltext:	In gotes namen amen. Wir Burchart von Elrbach pfleger der herscheft ze Burgawe, Swigger von Mindelberch der ritter, Hainrich der alt Frauz und U/o/lrich der Frauz sin sun von Angelberch, und wir Hainrich der Ritschart, Berhtolt der Raem, Hainrich der stetschreiber, burger ze Auspurch, tu/o/n chunt allen den di disen brief ansehent oder ho/e/rnt lesen, daz grozzer chrick und vientschaft gwesen sint zwischen den ratgeben und der gemain der stat ze Auspurch von ainem taile und hern Hennan von Pferse, sinen su/e/nen und sinen friunden vom andern taile von ainer ansprach wegen, di Johans der Schongawer saelig burger ze Auspurch het hintz hern Herman von Pferse umb diu gu/o/t diu glegen sint ze Otmarshusen. Den chriek und vientschaft hand bed tail an uns gelazzen, swie wir den berihten und verschaiden, daz suln bed tail staet halten durnehtclich an alle gevaerd. Den chriek und vientschaft haben wir also berihtet und verschaiden mit beder tailn willen, daz her Herman von Pferse, Herman und Hainrich sin su/e/n, Sitz und Claus von Büchlün siner swester su/e/n und der Staininbach hern Hermannes mak gesworn hant ainen ait ze den hailigen für sich und alle ir friund an alle gevaerd, ain louter sun ze habenn mit den ratgeben und der gemain der stat ze Auspurch und mit allen den di si an gehörnt, si sien arm oder reich, und sunderlich mit Niclausen dem Bölan, daz si ir schaden von des selben chrieges und vientscheflft wegen nimmerme getu/e/n noch gevaerten sv/e/ln an dehainer stat mit red noch mit werchen; und swa si ir laeut, ir diener oder ir hu/o/ber bedinget heten, diu gedinge süln aelliu ab sein, si sien in bürgschefft oder in gelübd an bürgschaft, also daz di burger von Auspurch gemainlich ir laeut, ir diener, ir hu/o/ber und ir bürgen, swa si gesezzen sint, der vorgenanten gelübd diu von des chrieges wegen dar chomen sint durnaehtclich und gaentzlich ledich sin, daz her Herman von Pferse, sin sun, ir friund, ir diener und ir helfer noch nieman von iren wegen nach dem selben gut chain ansprach nimmerme gehaben su/e/ln. Dez sol auch her Herman der alt von Pferse got und den burgern von Auspurch ze bezzerunge mit sin selbes leib von den vier tagen in der vasten di schierst choment uber ain iar varn zu dem bäbst, swa er den vindet oder hintz Rom, ob chain babst waer; so sol Hainrich das selben hern Hermannes sun inr iars frist varen von dem lande und sol ain gantzes iar von dem land sin zwaintzich meil von der stat ze Auspurch. Dez sol auch her Herman von Pferse, sin husfraw noch siniu chint in di stat ze Auspurch noch in di vorstet, als si mit zaeunen begriffen sint, niminermer chomen an der burger urlop. Es hat auch her Herman von Pferse für sich und siniu chint und sin friund gegeben ze bezzerunge armen laeuten, di er den bürgern ze laid an irem lib geschadiget und geletzet hat, hundert pfunt haller. So haben wir Hainrich Ritschart, Berhtolt der Raem und Hainrich der stetschreiber, Hans der Appoteker und Ulrich der junge Ritschart gelobt bi unsern triwen für die ratgeben und diu gemain der stat ze Auspurch, ze habenn ain louter su/o/n für alle di die di stat an gehörnt und der si gwaltich sint an alle gevaerd mit hern Herman von Pferse, mit sinen su/e/nen, mit allen sinen friunden und helfern, daz si ir schaden von des selben chrieges und vientscheft wegen nimmerme getun noch gwerben sv/e/ln an dehainer stat mit red noch mit werken. Swaz auch her Herman von Pferse guth het ze den ziten, do der chrick an viench, des sich di burger von Auspurch von des selben chrieges wegen underwinden hant mit geriht oder an geriht, swa di gu/o/t glegen sint, in der stat oder anderswa, diu sv/e/ln hern Hermanne und sinen erben durnaehtclich ledich sin, daz di burger noch nieman des si gwaltich sin si fu/e/rbaz daran nit irren sv/e/ln mit chainer slaht sachen; und sol her Herman von Pferse noch sin erben noch nieman von iren wegen umb di nu/e/tz die di burger von den selben gu/o/ten in genomen hant in disem chrieg chain ansprach nimmer gehaben. Daz diu rihtunge also stet und unzerbrochen blib, haben wir haizzen gemachet disen brief versigelt mit graf Cunrades von Kirchperch und mit hern Marquarts von Schellenberch insigeln und mit unser Burcharth von Elrbach, Swiggers von Mindelberch, Hainriches und U/o/lriches der Fraezze der vorgenanten schidlu/e/t insigeln und mit hern Hermans von Pferse insigel und mit der stet insigel ze Auspurch und mit der burger insigeln von Auspurch di her nach benennet sint, daz ist Berhtolt der Raem burgermaister Hainrich Ritschart, Ru/e/dger der Langmantel, Cu/o/nrat der Minner, Wernher der Gollenhover und Johanse der Portner, diu aelliu dar an hangent. (...)
Beglaubigungsmittel:	Siegel
Aussteller:	A1: Burkhart von Elrbach (Ellerbach), Pfleger zu Burgawe (Burgau); A2: Ritter Swigger von Mindelberch (Mindelberg); A3: Hainrich der alt Frauz, aus Angelberch (Angelberg, Gde. Tussenhausen, Lkr. Unterallgäu?); A4: U/o/lrich der Frauz, Heinrichs Sohn, aus Angelberch (Angelberg, Gde. Tussenhausen, Lkr. Unterallgäu?); A5: Hainrich Ritschart; A6: Berhtolt der Raem (Rehm), Bürger zu Augsburg; A7: Heinrich der Stadtschreiber, Bürger zu Augsburg
Siegler:	S1: Graf Cunrad von Kirchperch (Kirchberg); S2: Marquart von Schellnberch (Schellenberg); S3 = A1; S4 = A2; S5 = A3; S6 = A4; S7 = Herman von Pferse (Pfersee); S8: Stadt Augsburg; S9: Berhtolt der Raem (Rehm), Bürgermeister der Stadt Augsburg; S10: Hainrich Ritschart; S11: Ru/e/dger der Langmantel (Langenmantel); S12: Cu/o/nrat der Minner; S13: Wernher der Gollenhover; S14: Johan der Portner
Provenienz / Aktenbildner:	?
Erscheinungsform der Urkunde:	Einzelblatt
Überlieferungsart:	Ausfertigung
Sprache:	Deutsch
Schrift:	Lateinisch
Trägermaterial:	Pergament
Anzahl der Siegel:	14
Fehlende Siegel:	S1-9; S11-14
Besiegelungsform:	anhängend